غياض دوت فور يو ليك منتدى المهندس احمد ابوغياض
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


ان الله وملائكته يصلون على النبى يا ايها الذين امنو صلو عليه وسلمو تسليما**************** اللهم صلى وسلم وبارك عليك سيدى وحبيبى يا رسول الله
 
الرئيسيةالبوابةاليوميةأحدث الصورس .و .جبحـثالأعضاءالمجموعاتالتسجيلدخول

 

 الي عايز يحسب ال external static pressure لوحدات المناولة يقرأ الموضوع ده

اذهب الى الأسفل 
كاتب الموضوعرسالة
المهندس احمد
Admin
المهندس احمد


عدد المساهمات : 88
تاريخ التسجيل : 31/12/2010
العمر : 42

الي عايز يحسب ال external static pressure لوحدات المناولة يقرأ الموضوع ده Empty
مُساهمةموضوع: الي عايز يحسب ال external static pressure لوحدات المناولة يقرأ الموضوع ده   الي عايز يحسب ال external static pressure لوحدات المناولة يقرأ الموضوع ده Emptyالسبت يوليو 09, 2011 3:09 pm

السلام عليكم و رحمة الله و بركاته ............

الناس الي بتشتغل في المقاولات ( في التنفيذ يعني ) في الأغلب بيبقى مطلوب يعمل حسابات هبوط الضغط لوحدات المناولة و مراوح التهوية ( ده غير التلول المتلتلة الي وراه ) و طبعا للناس الي زي حالتي بيحب يجيب من الاخر يعني ايه .....

يعني ( بس لازم تكون فاهم طبعا أصل القصة أيه ) شيت اكسيل و يديني النتيجة كام باسكال و اخلص .......( بس انا بأكد و بأقول لازم نبقى فاهمين)
المهم في شيبت اكسل انا باستخدمه بحسب الاكسترنال الاستاتيك المطلوب لمروحة الايه اتش يوو و أنا هاقولك تستخدمه ازاي ,,,,,
1. هاتحط كمية ال cfm في خانة ال supply
2. هاتحط سرعة الهواء بالفيت بير مينت في خانة السرعة
3. و بعد كدة تحط الفركشن بتاعك و لو مش عارفه خليه 0.07 قدم لكل 100 فيت
4. و بعد كدة يا ريس من على رسومات الكاد تجيب أطول مسار لوحدة المناولة الي انت بتحسب ليها الاستاتيك لحد اخر ديفيوزر ( ماشي و لا ايه ........) بالمتر و تحطها في خاية اللوجست باث ...........
5. شيت الاكسل طبعا هيحولها لوحدة الفيت الي احنا بنشتغل بيها في الخانة الي بعديها ( اللونجست باث بالفييت)
6. بعد كدة هاتحط الطول المكافئ بالفيت لكل فيتنج عندك في الدكت ( يعني البو و لا واي و لا تيك اوف ولا..........) طبعا هاتقولي هاجيبهم منين ؟؟؟؟؟ شوف يا أخي.... انا معايا كام ورقة لشركة كارير كاتبين في معظم الاطوال المكافئة لكل فيتنج هاحاول اسحبهم اسكان و احطهم بس ده مش وعد ( وربنا يقدرني ... هاحاول)
7. بعد كدة الاستاذ اكسل هيحسبلك الطول الكلي المطلوب في خانة السب توتال ( يعني أطول مسار + الطول المكافئ لجميع الفيتنج)
8. بعد كدة هاتحط هبوط الضغط لكل فوليوم و فاير دامبرو كل جريلة هاتقولي كالعادة منين ؟؟؟؟؟ أقولك انا يا ريس
المفروض تجيبهم من كتالوجات الشركة المصنعة بس لو عايز تنجز و تجيب من الاخر حطهم ب 0.1 انش واترجيج ودي هاتغطيك بزيادة ( على مسؤليتي جمد قلبك )
9. بعد كدة الاستاذ اكسيل هايديك الفقد الكلى في خانة التوتال لوس بالانش واتر برضو
10. بعد كدة في خانة السيفتي فاكتور حطها ب 15 % أو 10% على حسب وجهة نظرك ( يعني كنت بتكروت و انت بتحسب أطول مسار و الفيتنج أو شغال على ديزين دروينج ( ساعتها نصيحة مني ليك حطه ب 25 % علشان المشروع يعدي على خير و ما تدخلش نفسك في دوامة ) أو غيره...............)
11. بعد كده الاستاذ اكسيل هايديك النتيجة في الخانة بتاعة final external static pressure
12. حط يا هندسة خطين تلاتة تحت كلمة اكسترنال لان الشيت هيحسبلك الاكسترنال بس
13. في الخانة الاخيرة دي طبعا الشيت بيجمع الكلام الي احنا حسبناه للسبلاي و الريترن على بعضه و هو ده الاكسترنال ستاتيك برشر بتاع المكنة دي
14. أما بالنسبة للانترنال ستاتيك برشر دي قصة تانية سهلة اوي هاقولكوا عليها بعدين يا رجالة
على فكرة لو عايز تعرف المعادلة الي احنا بنحسب بيها قولي و أنا اشرحهالك أول اقراها انت من الفنكشن في الاكسل شيت

سويت ريجاردس
م احمد


لتحميل الملف:
http://www.mediafire.com/?hn6l487fdkkgdn6

الرجوع الى أعلى الصفحة اذهب الى الأسفل
https://ghaiad.yoo7.com
 
الي عايز يحسب ال external static pressure لوحدات المناولة يقرأ الموضوع ده
الرجوع الى أعلى الصفحة 
صفحة 1 من اصل 1
 مواضيع مماثلة
-
» الي عايز يتعلم شوب دروينج للأعمال الميكانكية اقرأ الموضوع ده

صلاحيات هذا المنتدى:لاتستطيع الرد على المواضيع في هذا المنتدى
غياض دوت فور يو ليك منتدى المهندس احمد ابوغياض :: المنتديات الهندسيه :: منتدى الهندسه الميكانيكيه :: قسم التبريد والتكييف-
انتقل الى: